Непротолкуваниот сон е како неотворено писмо.

Современиот човек е слеп пред фактот дека сè што е рационално е овозможено од моќта на несвесното, кое е навидум надвор од неговата контрола. Оваа книга ја покажува функцијата на соновите, нивното психолошко значење во секојдневните искуства и симболичното значење на уметноста. Повеќе од 500 илустрации го комплетираат текстот и го прават неповторлив.

Карл Густав Јунг е еден од најголемите психијатри на сите времиња и еден од највлијателните современи мислители. Неговата цел, а и целта на оваа книга, е да ни помогне да се спознаеме себеси преку декодирање на пораките на несвесното. На тој начин секој може да проникне во нивната смисла и да ја искористи за приближување до идеалот на исполнет и среќен живот.